რუსეთის პრეზიდენტის, ვლადიმერ პუტინის სპეციალური წარმომადგენელი და რუსეთის პირდაპირი ინვესტიციების ფონდის ხელმძღვანელი კირილ დმიტრიევი, პეტერბურგში აშშ-ის პრეზიდენტის, დონალდ ტრამპის სპეციალურ წარმომადგენელს, სტივ უიტკოფს შეხვდა. ინფორმაციას ამის შესახებ რუსული მედია ავრცელებს.
გავრცელებული ინფორმაციით, დონალდ ტრამპის წარმომადგენელი შესაძლოა, რუსეთის პრეზიდენტს, ვლადიმერ პუტინსაც შეხვდეს.
ეს ტრამპის სპეციალური წარმომადგენლის უიტკოფის უკვე მესამე ვიზიტია რუსეთში. ბოლოს უიტკოფი მოსკოვში 13 მარტს იმყოფებოდა. მაშინ აშშ-ის პრეზიდენტის სპეციალური წარმომადგენელი რუსეთის მაღალჩინოსნებს შეხვდა, საღამოს კი პუტინმა მიიღო.
თებერვლის დასაწყისში სტივ უიტკოფი პირველად ჩაფრინდა რუსეთში ნარკოტიკების კონტრაბანდასა და შენახვაში მსჯავრდებული ამერიკელი მარკ ფოგელის გაცვლაზე მოსალაპარაკებლად, შემდეგ კი მონაწილეობა მიიღო მაღალი დონის რუსულ-ამერიკულ მოლაპარაკებებში საუდის არაბეთს დედაქალაქ რიადში.
| სარეკლამო ადგილი - 11 650 x 60 |
