ნიკოლოზ სამხარაძის განცხადებით, გაყალბების კონკრეტული მტკიცებულებების გარეშე, ქვეყანაში საპარლამენტო არჩევნების ხელახლა ჩატარებას საფუძველი არ არსებობს. პარლამენტის საგარეო ურთიერთობათა კომიტეტის თავმჯდომარის თქმით, ევროპის საბჭოს საპარლამენტო ასამბლეამ სრულფასოვნად უნდა ცნოს ქართული დელეგაციის მანდატი, რადგან მსგავს მტკიცებულებას ვერავინ წარმოადგენს.
„იმის გამო, რომ წინა სესიაზე მათ პირობები დააყენეს იმისათვის, რომ სრულფასოვნად ეცნოთ საქართველოს დელეგაციის სრული მანდატი, ჩვენ მივიღეთ გადაწყვეტილება, რომ შევაჩეროთ ჩვენი საპარლამენტო დელეგაციის საქმიანობა სტრასბურგში. აქედან გამომდინარე, შემდეგ სესიაზე საქართველოს დელეგაცია იქ არ ეყოლება იმიტომ, რომ ჩვენ გვაქვს შეჩერებული. სანამ სრულად არ მოხდება გააზრება იმისა, რომ ძალით საქართველოში საპარლამენტო არჩევნებს არავინ არ ჩაატარებს, თუ არ იქნება წარმოდგენილი გაყალბების კონკრეტული მტკიცებულებები.
მხოლოდ ამ შემთხვევაში შეიძლება ხელახლა ჩატარდეს არჩევნები. სხვა შემთხვევაში არჩევნების ჩატარებას არანაირი საფუძველი არა აქვს. იქიდან გამომდინარე, რომ გაყალბების კონკრეტულ მტკიცებულებებს ვერავინ ვერ წარმოადგენს, ევროპის საბჭო საპარლამენტო ასამბლეას სხვა ალტერნატივა არ აქვს თუ არა სრულფასოვნად ცნოს ქართული დელეგაციის მანდატი. თუ ეს ასე არ იქნება ჩვენი წევრობა იქნება შეჩერებული“, - განაცხადა ნიკოლოზ სამხარაძემ.
| სარეკლამო ადგილი - 11 650 x 60 |
