მიანმარში მიწისძვრის შედეგად დაღუპულთა რაოდენობამ 1644-ს მიაღწია. მედიის ცნობით, დაშავდა 3408 ადამიანი. კიდევ 139 ადამიანი დაკარგულად ითვლება. ელოდებიან, რომ დაღუპულებისა და დაშავებულების რაოდენობა კიდევ გაიზრდება.

28 მარტს პირველი ძლიერი - 7,7 მაგნიტუდის მიწისძვრა მიანმარის ცენტრალურ ნაწილში ადგილობრივი დროით 12:50 საათზე, ხოლო მეორე - 6,4 მაგნიტუდის მიწისძვრა 12 წუთში მოხდა.

მიწისძვრის ეპიცენტრი ქალაქ სიკაინის ჩრდილოეთით, 16 კილომეტრში მდებარეობდა.

მსგავსი მიწისძვრა ქვეყანას ბოლო 80 წლის განმავლობაში არ ახსოვს. ადგილობრივი ხელისუფლება ყველას დაშავებულთათვის სისხლის ჩაბარებისკენ მოუწოდებს.