საქართველოს ეროვნული საფეხბურთო ნაკრების მეკარე გულშემატკივრებს მხარდაჭერისთვის მადლობას უხდის. შესაბამის პოსტს გიორგი მამარდაშვილი სოციალურ ქსელში აქვეყნებს.

„დიდი მადლობა ყველა ადამიანს ვინც ჩამოვიდა ერევანში და ჩვენთან ერთად იყო თამაშზე. ასევე დიდი მადლობა ყველას ვინც ვერ მოახერხა ჩამოსვლა და ტელევიზორიდან მხარს გვიჭერდა.

თქვენ ამ ნაკრებს უფრო ძლიერს ხდით!

მნიშვნელოვანი გამარჯვება!“, - წერს მამარდაშვილი.

საქართველოს ნაკრებმა ერთა ლიგის პლეი-ოფის პირველი შეხვედრა სტუმრად სომხეთში გამართა. ეროვნულმა ნაკრებმა სომხეთის ნაკრები ანგარიშით 3:0 დაამარცხა.

საქართველოსა და სომხეთის ნაკრებების დაპირისპირების გამარჯვებული უეფა-ს ერთა ლიგის B დივიზიონში ითამაშებს. 23 მარტს საპასუხო შეხვედრა თბილისში, 18:00 საათზე „დინამო არენაზე“ გაიმართება.