10
15 იანვარი 2025, 01:29
სამართალდამცველები სამხრეთ კორეის პრეზიდენტის, იუნ სოკ იოლის დაკავებას მეორედ ცდილობენ, – ამის შესახებ „ბიბისი“ წერს.
როგორც მედიასაშუალება წერს, სამხრეთ კორეის სამართალდამცავი ორგანოს წარმომადგენლები, რომლებიც ქვეყნის პრეზიდენტის საქმეს იძიებენ, რეზიდენციაში დაკავების ორდერის აღსასრულებლად მეორედ გამოცხადდნენ. პოლიციამ პრეზიდენტის რეზიდენციის მიმდებარე ტერიტორიაზე დაახლოებით 1 000 წარმომადგენელი განალაგა. ადგილზე იმყოფებიან იუნის მხარდამჭერებიც.
აღსანიშნია, რომ სამხრეთ კორეის პრეზიდენტის დაკავება 3 იანვარსაც სცადეს, თუმცა ვერ მოახერხეს, რადგან ადგილზე იუნ სოკ იოლის მხარდამჭერები შეიკრიბნენ და მის დაპატიმრებას ხელი შეუშალეს.
ცნობისთვის, 14 დეკემბერს სამხრეთ კორეის პარლამენტმა, იუნ სუკ იოლი თანამდებობიდან გადააყენა. იუნ სოკ იოლი თანამდებობიდან ოფიციალურად მხოლოდ მაშინ გათავისუფლდება, თუ რვაწევრიანი სასამართლოს, სულ მცირე, ექვსი წევრი იმპიჩმენტს დაუჭერს მხარს. სამხრეთ კორეის პრეზიდენტს საჯაროდ კომენტარი მას შემდეგ არ გაუკეთებია, რაც პარლამენტმა 14 დეკემბერს მის იმპიჩმენტს დაუჭირა მხარი. მას ბრალად ედება საომარი მდგომარეობის უკანონოდ გამოცხადება, კონსტიტუციური წყობის წინააღმდეგ ამბოხება და სახელმწიფო ღალატი. იუნ სუკ იოლი ამ ბრალდებებს უარყოფს.
| სარეკლამო ადგილი - 11 650 x 60 |
