ჰააგის სასამართლომ 19 წლის პირს ექვსთვიანი პატიმრობა მიუსაჯა საახალწლო დღესასწაულის დროს პოლიციელებისთვის პიროტექნიკის სროლისთვის. ინფორმაციას ამის შესახებ ნიდერლანდური მედია ავრცელებს.

სასამართლომ დაგმო ეს ქმედება, როგორც „უაღრესად საშიში“, განსაკუთრებით იმის გათვალისწინებით, რომ სამიზნე პოლიციის ოფიცრები იყვნენ, რომლებიც ასრულებდნენ თავიანთ მოვალეობას.

„პოლიციელების მიმართ ძალადობა, როგორც ჩანს, ნორმალურ მოვლენად იქცა, მაგრამ ეს, რა თქმა უნდა, არ არის ნორმალური“, - აღნიშნა პოლიციის ერთ-ერთმა თანამშრომელმა, რომელსაც მსჯავრდადებულმა პიროტექნიკა ესროლა.