სააკაშვილი რაც მეტს ილაპარაკებს, მით უფრო უკეთესი იქნება, აგენტურული ოპოზიციის აღიარებით ჩვენებებს იძლევა – რა მიზნები აქვთ და როგორ არაფერი გამოსდით, საბოლოო ჯამში კი, როგორ მარცხდებიან საქართველოსთან, – ამის შესახებ პარლამენტის ადამიანის უფლებათა დაცვის კომიტეტის თავმჯდომარემ, რატი იონათამიშვილმა საქართველოს პირველ არხს განუცხადა.

მისივე თქმით, სინამდვილეში, მიხეილ სააკაშვილი ბნელ ზრახვებს და შიშებს ახმოვანებს, რაც რადიკალურ ოპოზიციას აქვს.

„მათ საქართველოს განადგურება არეულობის გზით უნდოდათ და ახლა ხვდებიან, რომ ეს ყველაფერი არ გამოსდით და მძიმე მდგომარეობაში არიან. რაც მეტს ილაპარაკებს სააკაშვილი, მით უფრო უკეთესი იქნება, იქიდან გამომდინარე, რომ აგენტურული ოპოზიციის აღიარებით ჩვენებებს იძლევა – რა მიზნები და გეგმები აქვთ, როგორ არ გამოსდით არაფერი, საბოლოო ჯამში კი, როგორ მარცხდებიან საქართველოსთან“, – განაცხადა რატი იონათამიშვილმა.