„ნაპოლის“ ქართველი ფეხბურთელი ხვიჩა კვარაცხელია გამოჯანმრთელდა და „ჯენოასთან“ მატჩისთვის მზადაა, - ამის შესახებ ინფორმაცია ანტონიო კონტემ დაადასტურა.

„ნაპოლის“ მწვრთნელმა თამაშის წინ პრესკონფერენციაზე აღნიშნა, რომ კვარას დაბრუნება გუნდისთვის ძალიან მნიშვნელოვანია.

„კვარამ ვარჯიში ჩვენთან ერთად გუშინ განაახლა. დღეს უფრო თავისუფლად ივარჯიშა, ხელმისაწვდომია, დაგვანახა, რომ თამაში შეუძლია და ჩვენთან ერთად იქნება. მისი დაბრუნება ჩვენთვის მნიშვნელოვანია“, - აღნიშნა იტალიელმა სპეციალისტმა.

შეგახსენებთ, რომ ხვიჩა კვარაცხელიამ ტრავმის გამო წინა ტურში „უდინეზესთან“ ვერ ითამაშა. ქართველ ფეხბურთელს სერია A-ს მიმდინარე სეზონში 15 მატჩში 5 გოლი აქვს გატანილი და 3-ჯერ საგოლე პასით გამოირჩა. „ჯენოა“- „ნაპოლის“ შეხვედრა 21 დეკემბერს, თბილისის დროით 21:00 საათზე გაიმართება.