![](/img/multimedia/a113598_122875_1734511570787132b.jpg)
ფაშისტებს წინა საუკუნის 40-იან წლებშიც კი არ მოუფიქრებიათ, რომ მაგალითად, დაესაჯათ მამა იმისთვის, რომ 46 წლის წინ შეეძინა შვილი, რომელიც შემდეგ პრემიერ-მინისტრი გახდა, - განაცხადა „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა და ფრაქცია „ქართული ოცნების“ თავმჯდომარემ მამუკა მდინარაძემ ესტონეთისა და ლიეტუვის მიერ დაწესებულ სანქციებზე საუბრისას.
მისივე თქმით, სანქციების დაწესება დაავალეს იმ ქვეყნებს, სადაც მათი ამჟამინდელი მმართველების გამო სუვერენიტეტი განულებულია.
„ფაშისტებს წინა საუკუნის 40-იან წლებშიც კი არ მოუფიქრებიათ, რომ მაგალითად, დაესაჯათ მამა იმისთვის, რომ 46 წლის წინ შეეძინა შვილი, რომელიც შემდეგ გახდა პრემიერ-მინისტრი. ასეთი რამ ფაშისტებს არ მოუფიქრებიათ! ან, თავისი აზრის გამოხატვისთვის დაესაჯათ ადამიანი - მაგალითად, გოგა ხაინდრავა რატომ არის დასანქცირებული ვერ გაიგო ვერავინ; ან ზვიად შალამბერიძე რა შუაშია. კარგით, ვიღაცები ჩვენ ვერ გვიტანენ, დაავალეს იმ ქვეყნებს, სადაც სუვერენიტეტი განულებულია მათი ამჟამინდელი მმართველების, ამჟამინდელი ხელისუფლებების გამო - სუვერენიტეტი არის ნული. სადაც ყველაზე დაბალია სუვერენიტეტი და დამოუკიდებლობის ხარისხი, ზუსტად იმ ქვეყნიდან წამოვიდა სანქციები. ჩემზე და სხვებზე გასაგებია. არ მოვწონვართ, რაღაცებს გვაბრალებენ, მაგრამ პირობითად, გოგა ხაინდრავა - აზრის გამოხატვის გამო; გია კობახიძე იმიტომ, რომ 46 წლის წინ შვილი შეეძინა, რომელიც შემდეგ პრემიერ-მინისტრი გახდა. ფაშისტებს რაც არ მოუფიქრებიათ, სამწუხაროდ, ის რეალიზებაში მოიყვანეს ამ ქვეყნების წარმომადგენლებმა“, - განაცხადა მდინარაძემ.
საქართველოს მთავრობამ 16 დეკემბერს გაავრცელა განცხადება, სადაც აღნიშნულია: „ჩვენი გადაწყვეტილებაა, ლიეტუვასთან და ესტონეთთან დავრჩეთ ცალმხრივი მეგობრობის რეჟიმში, რათა ჩვენი მხრივ არ შევუქმნათ საფრთხე ტრადიციულ მეგობრობას ქართველ, ესტონელ და ლიეტუველ ხალხებს შორის“.
სარეკლამო ადგილი - 11 650 x 60 |