კოალიცია „ძლიერი საქართველოს“ წევრი ალეკო ელისაშვილი სამართალდამცველებმა ძალადობის ბრალდებით დააკავეს.

ამის შესახებ ინფორმაცია საქართველოს პირველ არხს შინაგან საქმეთა სამინისტროში დაუდასტურეს.

უწყების ცნობით, ალეკო ელისაშვილი დაკავებულია სისხლის სამართლის კოდექსის 156-ე მუხლის მეორე ნაწილით, რაც ძალადობით ან ძალადობის მუქარით ჩადენილ დევნას გულისხმობს.

როგორც ცნობილია, რამდენიმე დღის წინ გავრცელდა ინფორმაცია, რომ ელისაშვილმა ფიზიკური შეურაცხყოფა მიაყენა „საქართველოს აზერბაიჯანელთა ეროვნული კონგრესის“ თავმჯდომარეს, ალი ბაბაევს. არსებული ცნობით, მისი დაკავება სწორედ ამ ფაქტს უკავშირდება.