ბრიტანული გამოცემა The Economist-ის შეფასებით, უკრაინაში მიმდინარე ომში 60 000-დან 100 000-მდე უკრაინელი ჯარისკაცი დაიღუპა, ხოლო 400 000-მდე - დაიჭრა და ვეღარ შეძლო საბრძოლო ველზე დაბრუნება.

ოფიციალური კიევი დიდწილად თავს არიდებდა სამხედრო დანაკარგების სრული მასშტაბის გამჟღავნებას. პრეზიდენტმა ვოლოდიმირ ზელენსკიმ თებერვალში განაცხადა, რომ 31 000 უკრაინელი მებრძოლი დაიღუპა.

The Economist-ი წერს, რომ რუსეთმა და უკრაინამ დაკარგეს მოსახლეობის უფრო დიდი წილი, ვიდრე აშშ-მა კორეისა და ვიეტნამის ომების დროს.

სტატიაში ასევე აღნიშნულია, რომ რუსეთის დანაკარგი ომში უფრო დიდია, კერძოდ, რუსეთმა დაკარგა დაახლოებით 200 ათასი სამხედრო.