ხოშტარია რომ გყავს ლიდერი და ჩელიაბინსკში ვიღვიძებთო, რომ იძახი, რაღაც წარმოუდგენელი უბედურება გჭირს, - განაცხადა „ქართული ოცნების“ აღმასრულებელმა მდივანმა, საპარლამენტო უმრავლესობის ლიდერმა, თავმჯდომარემ მამუკა მდინარაძემ ოპოზიციაზე საუბრისას.
მისი შეფასებით, ის პარტიები, რომლებმაც პარლამენტს მანდატების გაუქმების განცხადებით მიმართეს, საკუთარ ქმედებებს ეწინააღმდეგებიან.
„ხოშტარია რომ გყავს ლიდერი და ჩელიაბინსკში ვიღვიძებთო, რომ იძახი, რაღაც წარმოუდგენელი უბედურება გჭირს. ამ მარაზმში უნდა იყვნენ ისინი. უნდა ამტკიცონ, რომ 300-დან 400 ათასამდე ხმა გაყალბდა ელექტრონულ არჩევნებში და ჩელიაბინსკში ვიღვიძებთო. შემოტანილ განცხადებებში თან წერენ, საქართველოს პარლამენტის თავმჯდომარეს მივმართავთო და თან არალეგიტიმურიაო, არ ხართ პარლამენტის თავმჯდომარეო და შეგვიწყვიტეთ მანდატებიო, ანუ თვითონ რასაც აკეთებენ და წერენ, იმას ეწინააღმდეგებიან”, - აღნიშნა მამუკა მდინარაძემ.
| სარეკლამო ადგილი - 11 650 x 60 |
