26
21 ნოემბერი 2024, 15:00
მწარე გამოცდილება აქვთ ოპოზიციონერებს. შესაბამისად, ამიტომაც არის 61 ოპოზიციონერიდან უმრავლესი მათგანი მიყუჩებულები ბუჩქებში და ელოდება დაფინანსებას, ხელფასებს, კომფორტს, - განაცხადა „ხალხის ძალის“ აღმასრულებელმა მდივანმა, უმრავლესობის წევრმა, გურამ მაჭარაშვილი ბიუჯეტიდან რადიკალების დაფინანსების საკითხზე საუბრისას.
მისივეთ თქმით, წინა მოწვევის პარლამენტიდან მათ აქვთ გამოცდილება, რადიკალები სიების ჩახსნის შემდეგ როგორ ითხოვდნენ სიების აღდგენას.
„ჩვენ გვაქვს გამოცდილება წინა მოწვევის პარლამენტში, რომ როდესაც სიები ჩახსნეს პარლამენტის მოქმედების შემდგომ, რამდენიმე თვეში პირდაპირი გაგებით გვთხოვდნენ, კანონში შეგვეტანა ცვლილება, რომ აღედგინათ ეს სიები. მეტსაც გეტყვით, საუბარი აღარ იყო დაფინანსების შეწყვეტაზე, მათ სურდათ, რომ ეს დაფინანსება ისევ გაგრძელებულიყო. ასე, რომ ეს მწარე გამოცდილება აქვთ ოპოზიციონერებს. შესაბამისად, ამიტომაც არიან მიყუჩებულები ბუჩქებში უმრავლესი მათგანი, 61 ოპოზიციონერისგან და ელოდება დაფინანსებას, ხელფასებს, კომფორტს“, - განაცხადა მაჭარაშვილმა.
მე-11 მოწვევის პარლამენტი ორშაბათს შეიკრიბება. რადიკალური ოპოზიციის ლიდერები მიზანმიმართულად ავრცელებენ სიცრუეს და ამომრჩეველს არწმუნებენ, რომ მინიჭებულ მანდატებზე უარი თქვეს.
| სარეკლამო ადგილი - 11 650 x 60 |
