ევროპარლამენტმა მიიღო რეზოლუცია, რომელშიც ევროკავშირის ქვეყნებს უკრაინისთვის დასავლური იარაღით რუსეთის ტერიტორიაზე დარტყმების აკრძალვის დაუყოვნებლივ მოხსნისკენ მოუწოდებს.

ევროპარლამენტარები აღნიშნავენ, რომ საბრძოლო მასალის არასაკმარისმა მიწოდებამ და მათზე შეზღუდვის დაწესებამ შესაძლოა გააქარწყლოს ის ძალისხმევა, რაც მანამდე უკვე იყო გაწეული.

დეპუტატები აგრეთვე იმედგაცრუებას გამოხატავენ იმის გამო, რომ ევროკავშირის წევრმა ქვეყნებმა უკრაინისთვის სამხედრო დახმარების მოცულობა შეამცირეს.