ეს გამარჯვება თქვენ გეძღვნებათ, - ამის შესახებ ქართველმა ძიუდოისტმა ლაშა ბექაურმა პარიზის ოლიმპიადაზე მოპოვებული გამარჯვების შემდეგ  განაცხადა.

„მინდა ჩემმა ხალხმა იცოდეს, რომ ის ქართული გენი, რითაც დღემდე მოვედით, ისევ არსებობს და მიხარია, რომ ჩემში არის ეს ყველაფერი თავმოყრილი. მადლობა უფალს.

ეს გამარჯვება თქვენ გეძღვნებათ, ეს ოქროს მედალი და ეს ისტორიული მედალი თქვენია. მიყვარხართ გულში“, - განაცხადა ლაშა ბექაურმა.

ორგზის ოლიმპიური ჩემპიონის პირველ კომენტარს საქართველოს ეროვნული ოლიმპიური კომიტეტი ავრცელებს.