32
27 ივლისი 2024, 10:01
„დიდი შვიდეულის“ ქვეყნებმა რუსეთის აქტივების გაყინვის მოგებიდან 50 მილიარდი დოლარის კრედიტის უკრაინისთვის გაცემის პირობები შესაძლოა, ოქტომბერში დაასახელონ. როგორც „როიტერი“ იუწყება, ამის შესახებ აშშ-ს სახაზინო დეპარტამენტის მდივანმა, ჯანეტ იელენმა განაცხადა.
იელენის განცხადებით, აშშ ცდილობს, ევროპისგან მოიპოვოს გარანტიები, რომ რუსეთის აქტივები ხანგრძლივად იქნება გაყინული.
ჯანეტ იელენმა ასევე, განაცხადა, რომ ბრაზილიაში „დიდი ოცეულის“ ფინანსური ლიდერების შეხვედრაზე, რომელიც თებერვალში გაიმართა, კრედიტის გაცემაზე მოლაპარაკებები კონსტრუქციული იყო.
„ძალიან კონსტრუქციული საუბრები გვქონდა. მჭიდროდ ვთანამშრომლობთ, რათა ეს საკითხი წინ წავწიოთ”, - აშშ-ს სახაზინო დეპარტამენტის მდივანმა.
მისი განმარტებით, აშშ მოითხოვს გარანტიებს, რომ რუსული აქტივები იმ დრომდე იქნება გაყინული, ვიდრე მიღებული მოგება არ დაფარვას კრედიტს სამშვიდობო შეთანხმების მიღწევამდე, შეთანხმებამ კი უკრაინას სუვერენიტეტი უნდა შეუნარჩუნოს და რუსეთის მიერ მიყენებული ზარალი უნდა აანაზღაუროს.
სარეკლამო ადგილი - 11 650 x 60 |