258
14 ივლისი 2024, 07:37
სროლის ხმა გაისმა აშშ-ს საპრეზიდენტო კანდიდატის დონალდ ტრამპის სიტყვით გამოსვლისას პენსილვანიის საარჩევნო კამპანიის შეხვედრაზე. მან სიტყვა შეაწყვეტინა და ტრიბუნა დატოვა. მსროლელი მოკლეს. მოკლეს აქციის მინიმუმ ერთი მონაწილეც, თქვა რაიონის პროკურორმა.
სროლის დაწყებისთანავე, ტრამპი ტრიბუნასთანვე დაჯდა, მასთან დაცვა მივიდა და შემთხვევის ადგილიდან გაიყვანეს. წასვლის წინ პოლიტიკოსმა ხელი მუშტში შეკრა.
ტრამპს მარჯვენა ყური სისხლიანი ჰქონდა.
ტრამპმა სოციალურ ქსელში განაცხადა, რომ მას ესროლეს და ტყვია „მარჯვენა ყურის ზედა ნაწილში" მოხვდა.
ტრამპის უკან მისი მხარდამჭერები პლაკატებით იდგნენ, როცა სროლა დაიწყო.
გავრცელებული კადრების მიხედვით თუ ვიმსჯელებთ, გასროლა მაშინ მოხდა, როცა ტრამპი აშშ-ში არალეგალური მიგრანტების რაოდენობაზე საუბრობდა, ამის შესახებ BBC წერს.
ტრამპის სპიკერმა სტივენ ჩანგის განცხადებით, ყოფილი პრეზიდენტი საავადმყოფოში იმყოფებოდა. ექიმებმა მის მდგომარეობა შეაფასეს.
„პრეზიდენტი ტრამპი მადლობას უხდის სამართალდამცავებს და საგანგებო სიტუაციების თანამშრომლებს ამ საშინელი მოვლენის დროს სწრაფი რეაგირებისთვის. ის კარგად არის და ადგილობრივ საავადმყოფოში გადის გამოკვლევას“.
მომხდარზე ინფორმაცია გაავრცელა თეთრმა სახლმა. ჯო ბაიდენი კი დონალდ ტრამპს ტელეფონით ესაუბრა.
„დღეს, პრეზიდენტი ვაშინგტონში ბრუნდება. ხვალ დილით თეთრ სახლში ის მიიღებს განახლებულ ბრიფინგს ქვეყნის უსაფრთხოებისა და სამართალდამცავი ორგანოების წარმომადგენლებისგან“, - ნათქვამია თეთრი სახლის ოფიციალურ განცხადებაში.ა
| სარეკლამო ადგილი - 11 650 x 60 |
