73
05 ივნისი 2024, 13:46
![](/img/multimedia/a100623_109574_1717581758924189.jpg)
„არსებობს რამდენიმე თეორია, რომელიც ცდილობს ახსნას ვეშაპების მასობრივი თვითმკვლელობის ეს ფენომენი. მოდით შევეცადოთ ავუხსნათ საკუთარ თავს, ვეშაპისებრთა ქცევის პრიზმაში, ჩვენი საზოგადოების ნაწილის მიერ თვითგანადგურებისკენ ალოგიკური ლტოლვა ჩვენს თავზე მშვიდობიანი ცის სანაცვლოდ, რომელიც დამატებითი ხელოვნური მღელვარების გარეშე გაძლევს სტაბილური არსებობის, სწავლის, ღამის კლუბური ცხოვრების შესაძლებლობას. შესაძლებლობას გიყვარდეს ის ერთადერთი და საპასუხოდ უყვარდე მას.
ვეშაპების შემთხვევაში, გავრცელებული თეორიები მოიცავს ოკეანის ხმაურის დაბინძურების სამოტივაციო ფაქტორს, რაც აზიანებს სმენას და ექოლოკაციას. ჩვენი საზოგადოების დაბინძურება ფსევდო-ლიბერალიზმის მეტასტაზებით და მოსახლეობის მიზანმიმართული გენეტიკური მოდიფიკაციის პროცესები, ასევე შეიძლება გახდეს სოციუმის ნაწილში „ლურჯი ვეშაპის“ მსგავსი ფენომენის მქონე სუიციდური განვითარების სტიმული.
ვეშაპები ასევე განიცდიან პანიკას მტაცებლების (მაგალითად, მკვლელი ვეშაპების) თავდასხმების გამო; სანაპირო ზოლთან ახლოს კალმარსა და თევზზე ნადირობის იძულება; ან ფიზიკური სისუსტე სიბერის გამო; ბუნდოვანი სანაპირო ზოლის ცუდად ამოცნობა დახარვეზებული ექოლოკაციის ორგანოების მიერ; კვების რესურსების შემცირება და ზოგიერთი სხვა მამოძრავებელი მიზეზი, თუმცა არცერთი მათგანი არ არის აღიარებული უნივერსალურად.
ასევე განიხილავენ სოციალური ქცევის თეორიასაც: თუ ერთი ვეშაპი შეხვდება გარემოებებს, რომლებიც აიძულებენ მას სანაპიროზე გადახტეს, მაშინ დანარჩენები სავარაუდოდ მიჰყვებიან მას და ასევე ხტებიან ნაპირზე. ეს ტენდენცია რუსთაველის გამზირზე მიმდინარე საპროტესტო აქციების დროსაც დავინახეთ. და მიუხედავად ამ ყველაფრისა, კიდევ ერთხელ მინდა აღვნიშნო, რომ ჩვენ ვეშაპები არ ვართ და ცხოვრება მშვენიერია. განსაკუთრებით საკუთარი ქვეყნის განვითარების მშვიდობიან პერიოდში.“-წერს დავით ქართველიშვილი სოციალურ ქსელში.
სარეკლამო ადგილი - 11 650 x 60 |