ევროკავშირში დასავლეთ ბალკანეთის ქვეყნების, უკრაინის, მოლდოვისა და საქართველოს გაწევრიანება გეოპოლიტიკური აუცილებლობაა, - ამის შესახებ ჩეხეთის პრეზიდენტმა განაცხადა.

ევროკავშირში ჩეხეთის გაწევრიანების 20 წლისთავისადმი მიძღვნილ კონფერენციაზე ქვეყნის პრეზიდენტმა აღნიშნა, რომ წინააღმდეგ შემთხვევაში, ეს სახელმწიფოები დარჩებიან რუსეთის ხელმძღვანელობით მოქმედ მოთამაშეთა წყალობაზე, რომლებიც ცუდად ფიქრობენ ევროპაზე.

პაველის განცხადებით, კატასტროფული პროგნოზების მიუხედავად, ევროკავშირში ყოფნის 20 წლის შემდეგ ჩეხური იდენტობა არ განელებულა, პირიქით, უფრო გამოხატულია.