37
07 მაისი 2024, 20:19
საგარეო პოლიტიკისა და უსაფრთხოების საკითხებში ევროკავშირის უმაღლესმა წარმომადგენელმა, ჟოზეფ ბორელმა გააკრიტიკა ისრაელის პრემიერ-მინისტრი, ბენიამინ ნეთანიაჰუ რაფაჰზე თავდასხმის წინააღმდეგ საერთაშორისო საზოგადოების მოთხოვნის უგულებელყოფისთვის. ინფორმაციას ამის შესახებ ტელეკომპანია CNN-ი ავრცელებს.
„რაფაჰში სახმელეთო შეტევა კვლავ დაიწყო, მიუხედავად საერთაშორისო საზოგადოების მოთხოვნისა - აშშ, ევროკავშირის წევრი ქვეყნები - ყველა სთხოვს ნეთანიაჰუს, არ შეუტიოს რაფაჰს“, - აღნიშნა ჟოზეფ ბორელმა.
„მიუხედავად ამ გაფრთხილებისა და თხოვნისა, თავდასხმა გუშინ ღამით დაიწყო. მე ვშიშობ, რომ ეს გამოიწვევს უამრავ მსხვერპლს, მშვიდობიან მოსახლეობას შორის მსხვერპლს. ღაზაში უსაფრთხო ზონები არ არსებობს“, - დასძინა მან.
| სარეკლამო ადგილი - 11 650 x 60 |
