31 ევროპარლამენტარის განცხადება ქართველი ხალხის ნებას წინ ვერ დაუდგება, - ასე გამოეხმაურა ევროპასთან ინტეგრაციის კომიტეტის თავმჯდომარე მაკა ბოჭორიშვილი 31 ევროპარლამენტარის მიმართვას ევროკავშირის უმაღლესი წარმომადგენლის, ჯოზეფ ბორელისადმი, სადაც ისინი საქართველოსთვის ევროკავშირის წევრობის კანდიდატის სტატუსის შეჩერებისა და ევროკავშირის დაფინანსების გადახედვისკენ მოუწოდებენ.
„მე დავსვამდი კითხვას - რას ემსახურება და ვის ინტერესებშია ევროპარლამენტარების მსგავსი სურვილები? საქართველოს განაცხადი ევროკავშირში გაწევრიანებაზე არ არის ხუმრობით გაკეთებული განაცხადი. ეს არის აბსოლუტურად გაცნობიერებულად გაკეთებული განაცხადი საქართველოს ხელისუფლების მიერ, რომელიც რა თქმა უნდა, ეფუძნება ქართველი ხალხის ნებას და მას ნამდვილად ვერ დაუდგება წინ 31 ევროპარლამენტარის განცხადება“, - აღნიშნა ბოჭორიშვილმა.
ევროპარლამენტის 31 დეპუტატი ევროკავშირის უმაღლეს წარმომადგენელს, ჟოზეფ ბორელს წერილით მიმართავს. წერილის ავტორები ევროკომისიის ვიცე-პრეზიდენტს, საქართველოსთვის კანდიდატის სტატუსის შეჩერებისა და ევროკავშირის დაფინანსების გადახედვისკენ მოუწოდებენ.
სარეკლამო ადგილი - 11 650 x 60 |