90
04 მაისი 2024, 17:47
ღმერთმა მოგვცა შანსი იმისა, რომ უფრო გიყვარდეს ერთმანეთი, გვიყვარდეს სამშობლო, გვიყვარდეს დედაეკლესია, - ამბობს მაცხოვრის საფლავზე წმინდა ცეცხლის გარდამოსვლის მნიშვნელობაზე მამა დავით რუხაძე, რომელიც იერუსალიმში იმყოფება.
„კიდევ ერთხელ ღმერთმა დაგვანახა თავისი კაცთმოყვარება, მოიღო მოწყალება და კიდევ ერთხელ გარდამოავლინა ღვთიური ცეცხლი მაცხოვრის საფლავზე, რომელიც არის ნიშანი იმის, რომ კიდევ ერთი წლით ღმერთმა გაგვიგრძელა სიცოცხლე და მოგვცა შანსი იმისა, რომ უფრო გიყვარდეს ერთმანეთი, გვიყვარდეს სამშობლო, გვიყვარდეს დედაეკლესია”, - განაცხადა მამა დავით რუხაძემ.
წმინდა ცეცხლი მაცხოვრის საფლავზე აგებული კუვუკლიიდან იერუსალიმისა და სრულიად პალესტინის პატრიარქმა, თეოფილე III გამოიტანა. ზეციური ცეცხლი უფლის საფლავზე 15:13 საათზე გადმოვიდა.
წმინდა ცეცხლს იერუსალიმიდან საქართველოში „ჯორჯიან ეარვეისი“ ჩამოიტანს.
| სარეკლამო ადგილი - 11 650 x 60 |
