40
30 აპრილი 2024, 22:24
პენტაგონის ხელმძღვანელმა, ლოიდ ოსტინმა რუსეთსა და უკრაინას შორის მოლაპარაკებების შესაძლებლობა დაუშვა. ინფორმაციას ამის შესახებ უკრაინული მედია ავრცელებს.
სამშვიდობო მოლაპარაკებების ალბათობის კომენტირებისას, ლოიდ ოსტინმა აღნიშნა, რომ პარტნიორების ამოცანაა უზრუნველყონ, რომ იმ დროს უკრაინა იყოს ყველაზე ძლიერ პოზიციაზე.
„ამ ტიპის კონფლიქტების უმეტესობა სრულდება რაიმე სახის მოლაპარაკებებით. ისევ და ისევ, როდესაც ეს მოხდება, ჩვენ გვინდა, რომ უკრაინა იყოს უკეთეს მდგომარეობაში, რათა მან მიაღწიოს თავის მიზანს და შეთანხმდეს სწორ საკითხებზე: რას დათანხმდება ან არ დათანხმდება. ჩვენი მიზანია დავრწმუნდეთ, რომ მათ დახმარება ექნებათ“, - აღნიშნა ლოიდ ოსტინმა.
სარეკლამო ადგილი - 11 650 x 60 |