პარლამენტის უკანა შესასვლელის ტერიტორიიდან სამართალდამცველებმა აქციის მონაწილეები გაიყვანეს. ცოტა ხნის წინ პარლამენტის მიმდებარედ გაისმა გამაფრთხილებელი განცხადება დემონსტრანტებისადმი, რომ დაიშალონ, წინააღმდეგ შემთხვევაში გამოყენებული იქნება კანონით გათვალისწინებული ნორმები.

მანამდე შინაგან საქმეთა სამინისტრომ აქციის მონაწილეებს კანონით გათვალისწინებულ საზღვრებში დარჩენისკენ მოუწოდა. სამინისტრომ განცხადება მას შემდეგ გაავრცელა, რაც აქციის მონაწილეებმა პარლამენტის შესასვლელის ბლოკირება სცადეს.

ამასთან, ცნობილი გახდა, რომ პოლიციამ ნიკა მელია, ნიკა გვარამია და ბაჩო დოლიძე პარლამენტის მიმდებარე ტერიტორიას განარიდა.