მნიშვნელოვანია, რომ საქართველოში ხელისუფლების ცვლილებაში მონაწილეობა აღარასდროს ხდებოდეს ფარული მეთოდებით, - ამის შესახებ საპროცედურო საკითხთა და წესების საპარლამენტო კომიტეტის თავმჯდომარე ირაკლი ქადაგიშვილმა ჟურნალისტებთან განაცხადა.

„ერთი რამ არის ამოსავალი წერტილი, რომელიც ყველამ კარგად უნდა გაიგოს, ქვეყნის შიგნითაც და ქვეყნის გარეთაც, რომ დამოუკიდებელი, სუვერენული, ძლიერი საქართველოს გარეშე არ მოხდება არც საქართველოს განვითარება და არც ღირსეულად ევროკავშირში ინტეგრაცია. მნიშვნელოვანია, რომ საქართველოში აღარასდროს იყოს ის, რომ ხელისუფლების ცვლილებაში მონაწილეობა ფარული მეთოდებით ხდებოდეს“, - აღნიშნა ქადაგიშვილმა.