ქართული ღირებულებების წინააღმდეგ მიმართულ პროპაგანდას როცა ვუპირისპირდებით, ღირსების საკითხია, გამოვიდეთ რუსთაველზე და ქვეყნის შიგნითაც და გარეთაც ყველას დავანახოთ, რა სურს ქართველ ხალხს, – ამის შესახებ საქართველოს პარლამენტის თავმჯდომარე შალვა პაპუაშვილმა განაცხადა.
პაპუაშვილის თქმით, ამიტომ ყველას მოუწოდებენ, რომ 29 აპრილს მივიდნენ რუსთაველზე.
„რა თქმა უნდა, მოწოდება არის ყველას მიმართ, რომ ეროვნული მნიშვნელობის საკითხია, როდესაც ვუპირისპირდებით „შავ ფულს“, რომელიც შემოდის უცხოეთიდან. ქართული ღირებულებების წინააღმდეგ მიმართულ პროპაგანდას როცა ვუპირისპირდებით, ეროვნული, ღირსების საკითხია, რომ ყველა გამოვიდეს რუსთაველზე და დავანახოთ ყველას, ქვეყნის შიგნითაც და გარეთაც, რა სურს ქართველ ხალხს. ქართველი ხალხის სურვილი გამოიხატება ყველა სიტყვაში. აქ დიდიც და პატარაც, ქალიც და კაციც, საჯარო მოხელეც, ბიზნესმენიც, ყველა უნდა იყოს რუსთაველზე იმისთვის, რომ ქართველი ერის ხმა ყველამ გაიგოს“, – განაცხადა შალვა პაპუაშვილმა.
| სარეკლამო ადგილი - 11 650 x 60 |
