გამჭვირვალობის კანონპროექტის საწინააღმდეგო აქციას შესაძლოა, პროფესურის ნაწილი შეუერთდეს, - ასეთი ვარაუდი ექსპერტმა, მაია ნიკოლეიშვილმა „დღის ქრონიკაში“ გამოთქვა.
„ჩემი აზრით, საპროტესტო აქცია უახლოეს დღეებში მაინც გაფართოვდება. სამწუხაროდ, ვვარაუდობ, რომ აქციას შეუერთდება ის პროფესურა, რომელიც ამ კანონთან კავშირში არ არის, მაგრამ მათი განწყობები დიდი ხანია, ასეთია. დეპუტატებზე, რომლებმაც პირველ მოსმენაზე კანონპროექტს ხმა მისცეს, ჩემმა ერთმა ნაცნობმა დაწერა - „83 ღორი“. ამას რომ პროფესორი იტყვის, ეს სამსახურებრივი შეუსაბამობაა, პროფესორობა თანამდებობაა და ეს თანამდებობასთან შეუსაბამობაა. განა, მათ მოამზადეს თუნდაც, ერთი ჯგუფი სტუდენტების, ვინც არგუმენტირებულად ისაუბრებდა? მათ ცოდნა კი არ მისცეს სტუდენტებს, არამედ ანტისახელმწიფოებრივი განწყობები გააღვივეს და ამაზე პასუხისმგებლობასაც არ იღებენ“, - განაცხადა მაია ნიკოლეიშვილმა.
მას ასევე მიაჩნია, რომ ის პროფესორები, რომლებიც სახელმწიფოს მშვიდობიანი განვითარების წინააღმდეგნი არიან, თანამდებობებიდან უნდა გათავისუფლდნენ.
„ჩემი ღრმა რწმენით, ძალიან სერიოზულად არის სამუშაო ამ მიმართულებით განათლების სისტემაში, რომ ის პროფესურა, რომელიც სახელმწიფოს მშვიდობიანი განვითარების წინააღმდეგია, უნდა გათავისუფლდნენ, ეს არის დაკავებულ თანამდებობასთან შეუსაბამობა“, - განაცხადა მაია ნიკოლეიშვილმა.
სარეკლამო ადგილი - 11 650 x 60 |