34
20 აპრილი 2024, 10:08
ატომური ენერგიის საერთაშორისო სააგენტოს გენერალურმა დირექტორმა, რაფაელ გროსიმ განაცხადა, რომ ბირთვული ობიექტების სამიზნედ ამოღება ცეცხლთან თამაშია.
„გვყავს ჩვენი ინსპექტორები, რომლებიც მუდმივად მუშაობენ ირანში ქვეყნის ყველა ბირთვულ ობიექტზე და რა თქმა უნდა, მთელი ღამის განმავლობაში ჩვენ დიდი ყურადღებით ვაკვირდებოდით იმას, რაც იქ ხდებოდა“, - აღნიშნა რაფაელ გროსიმ.
„ბირთვული ობიექტების სამიზნედ ამოღება, გარდა იმისა, რომ საერთაშორისო კანონმდებლობით აკრძალულია, ცეცხლთან თამაშია“, - დასძინა მან.
პარასკევს დილით ისრაელმა ირანში ერთ-ერთ ობიექტზე სარაკეტო თავდასხმა მიიტანა - ცნობა ტელეკომპანია ABC-მ ამერიკელ ოფიციალურ პირზე დაყრდნობით გაავრცელა. ირანელი ოფიციალური პირების განცხადებით, ქვეყნის საჰაერო თავდაცვამ ისპაჰანის თავზე სამი დრონი ჩამოაგდო, რასაც მცირე აფეთქებები მოჰყვა, თეირანში აცხადებენ, რომ ისპაჰანში მომხდარის გამო ისრაელს არ უპასუხებენ.
სარეკლამო ადგილი - 11 650 x 60 |