292
08 აპრილი 2021, 00:30
სააგენტო Reuters-ი ავრცელებს ინფორმაციას, რომლის მიხედვითაც, გერმანია რუსეთთან „სპუტნიკ V“-ის ვაქცინის შესყიდვის თაობაზე წინასწარი მოლაპარაკებების დაწყებას აპირებს.
„გერმანიის ჯანდაცვის მინისტრმა, იენს შპანმა ვირტუალური შეხვედრის დროს განაცხადა, რომ გერმანია ვაქცინის შესყიდვის თაობაზე რუსეთთან წინასწარ მოლაპარაკებებს დაიწყებს“, - აღნიშნა წყარომ.
წინასწარი მოლაპარაკებების დროს გერმანიას სურს დაადგინოს, თუ რა რაოდენობით ვაქცინის მიწოდება შეუძლია რუსეთს. ნებისმიერ შემთხვევაში, გერმანია რუსულ ვაქცინას მხოლოდ მას შემდეგ შეიძენს, როდესაც მას ევროპის წამლის სააგენტო დაამტკიცებს.
გამოცემის წყაროს ინფორმაციით, ევროკომისიამ ევროკავშირის წევრი ქვეყნების ჯანდაცვის მინისტრებს განუცხადა, რომ ევროკავშირი არ აპირებს რუსეთთან წინასწარი მოლაპარაკებების დაწყებას „სპუტნიკ V“-ის შესყიდვის თაობაზე.
| სარეკლამო ადგილი - 11 650 x 60 |
