დიდ ბრიტანეთში ჩატარებული კვლევის შედეგებით, ყოფილ კოვიდპაციენტებს „ბუნებრივი იმუნიტეტი“ ხუთი თვის მანძლზე აქვთ
სარეკლამო ადგილი - 10
650 x 60
10 14 იანვარი 2021, 10:11

ადამიანებს, რომლებმაც კორონავირუსი გადაიტანეს, ვირუსის მიმართ იმუნიტეტი მინიმუმ ხუთი თვის განმავლობაში აქვთ, - ამის შესახებ „ინგლისის საზოგადოებრივი ჯანდაცვის“ მეცნიერების მიერ ჩატარებულ კვლევაშია აღნიშნული.

კვლევის პირველადი შედეგების თანახმად, იმ ადამიანების ხელახლად დაინფიცირების შანსი, რომლებსაც კოვიდ 19-ის ანტისხეულები აქვთ, ძალიან დაბალია. კერძოდ, კვლევაში ჩართული 6 614 ადამიანიდან, რომელსაც ვირუსი გადატანილი ჰქონდა, ხელმეორედ მხოლოდ 44 დაინფიცირდა.

ამასთან, კვლევის ავტორი მეცნიერები გვაფრთხილებენ, რომ ადამიანები, რომლებმაც ინფექცია გადაიტანეს და  „ბუნებრივი იმუნიტეტი“ გამოუმუშავდათ, შესაძლოა, ვირუსის მატარებლები და გამავრცელებლები მაინც იყვნენ.

აღსანიშნავია, რომ კვლევა, ამ ეტაპზე, ვაქცინაციის შედეგად გამომუშავებულ ანტისხეულებზე ან იმუნურ რეაქციაზე არ ჩატარებულა.

სარეკლამო ადგილი - 11
650 x 60
არქივი