დიდ ქალაქებში გადაადგილებაზე დაწესებული აკრძალვა არჩევნების მეორე ტურის დღესა და მომდევნო დღეზე არ გავრცელდება
სარეკლამო ადგილი - 10
650 x 60
41 20 ნოემბერი 2020, 13:13
ეპიდსიტუაციასთან დაკავშირებით ქვეყნის დიდ ქალაქებში სატრანსპორტო მიმოსვლის კუთხით დაწესებული შეზღუდვა 2 დღით მოიხსნება. კონკრეტულად, მთავრობამ იზოლაციისა და კარანტინის წესების დამტკიცების შესახებ 2020 წლის 23 მაისის დადგენილებაში ცვლილებები შეიტანა, რომლის მიხედვით, 22:00 საათიდან - 05:00 საათამდე გადაადგილების მხრივ დაწესებული აკრძალვა არ გავრცელდება არჩევნების მეორე ტურის გამართვის დღესა და მომდევნო დღეზე.

შეგახსენებთ, რომ 9 ნოემბრიდან საქართველოს მთავრობის დადგენილების მიხედვით, საცხოვრებელ ადგილზე მოსახლეობის დარჩენის უზრუნველსაყოფად, 22:00 საათიდან 05:00 საათამდე იკრძალება პირთა გადაადგილება როგორც ქვეითად, ისე სატრანსპორტო საშუალებით, ასევე საჯარო სივრცეში ყოფნა. თბილისში, ბათუმში, ქუთაისში, რუსთავში, გორში, ფოთსა და ზუგდიდში.
სარეკლამო ადგილი - 11
650 x 60
არქივი