S&P Global Ratings-მა საქართველოს სუვერენული საკრედიტო რეიტინგი ერთი ბიჯით დააწინაურა
სარეკლამო ადგილი - 10
650 x 60
1128 12 ოქტომბერი 2019, 14:06

ავტორიტეტულმა საერთაშორისო სარეიტინგო სააგენტო S&P Global Ratings-მა საქართველოს სუვერენული საკრედიტო რეიტინგი ერთი ბიჯით, „BB-დან „BB“-მდე გააუმჯობესა სტაბილური პერსპექტივით.

 

 სააგენტო აღნიშნავს, რომ ხელისუფლების მცდელობა, ხელი შეუწყოს და კიდევ გააუმჯობესოს ეკონომიკის მოქნილობა საგარეო შოკებისადმი, იქნება მაღალი ეკონომიკური ზრდის საფუძველი;

აღსანიშნავია, რომ სარეიტინგო კომპანიამ ეკონომიკური ზრდის პროგნოზს, წინა 4%-იან შეფასებასთან შედარებით გადახედა და 4.5%-მდე გაზარდა;

სარეიტინგო სააგენტოს შეფასებით, საქართველო შეინარჩუნებს რეგიონში სხვა ქვეყნებთან შედარებით მაღალ ეკონომიკურ ზრდა.;

სარეიტინგო სააგენტო ხაზს უსვამს საქართველოს ინსტიტუციური გარემოს განსაკუთრებულ სიჯანსაღეს, რითაც სააგენტოს აზრით, საქართველო გამოკვეთილი ლიდერია.

მათი შეფასებით, 2018 წელს მთლიანი ინვესტიციების მოცულობა მშპ- 33 პროცენტი, მათ შორის, პირდაპირი უცხოური ინვესტიციები მშპ- 5,7 პროცენტი, ყველაზე მაღალი მაჩვენებელია ჩვენი სარეიტინგო ჯგუფის ქვეყნებს შორის და საშუალოვადიან პერიოდში, ამ კუთხით სააგენტო საქართველოს ლიდერობას უწინასწარმეტყველებს.

სააგენტო, ასევე, ხაზს უსვამს საგარეო დაფინანსებაზე შემცირებულ დამოკიდებულებას. მათი შეფასებით, იმ შემთხვევაშიც კი, თუ პირდაპირი უცხოური ინვესტიციების მნიშვნელოვან კლებას ექნება ადგილი, გაცვლით კურსზე განსაკუთრებული ზეწოლა მოსალოდნელი არ არის.

დადებითადაა შეფასებული ქვეყნის შიდა დანაზოგების ზრდა, რაც 2010 წლიდან 2018 წლამდე 11 პროცენტიდან 26 პროცენტამდე გაიზარდა.

2019 წელს ინფლაციის ზრდის მიუხედავად, სარეიტინგო სააგენტო მიიჩნევს, რომ ეროვნული ბანკის მიერ გატარებული პოლიტიკის შედეგად, 2020 წლიდან ინფლაცია სამიზნე მაჩვენებელს დაუბრუნდება. „S&P“ ასევე ყურადღებას ამახვილებს საქართველოში არსებულ მდგრად საბანკო სისტემაზე, რისი ერთ-ერთი დამადასტურებელია, ეროვნული ვალუტის გაუფასურების მიუხედავად უმოქმედო სესხების დაბალი მაჩვენებელი;

სარეიტინგო კომპანიის პროგნოზით, სახელმწიფო ვალი მდგრად დონეზე, კონკრეტულად 2022 წლამდე მშპ- 43%-თან ახლოს შენარჩუნდება. სარეიტინგო კომპანია მიიჩნევს ასევე, რომ 2021 წლის შემდეგ სახელმწიფო საგარეო ვალს კლების ტენდენცია ექნება.

დადებითადაა შეფასებული მთავრობის რეფორმები და ინიციატივები, განსაკუთრებით ბიზნეს გარემოს გაუმჯობესების მიმართულებით, ასევე ისეთი ინიციატივები, როგორიცაა საპენსიო რეფორმა, საჯარო-კერძო პარტნიორობის სისტემის განვითარება, დეპოზიტების დაზღვევა და მიწის რეფორმა. ცალკეა აღნიშნული საგადასახადო სისტემის რეფორმები და განათლების რეფორმა.

სარეკლამო ადგილი - 11
650 x 60
საქართველოს ეკონომიკა მარტში 9%-ით, ხოლო პირველ კვარტალში 9.3%-ით გაიზარდა. სახელმწიფო ბიუჯეტი 102.1%-ით შესრულდა
ეკონომიკის სამინისტრო: 2025 წელი ეკონომიკური აქტივობის მაღალი ზრდით დაიწყო - იანვარ-მარტის საშუალო ეკონომიკური ზრდა 9.3%-ით განისაზღვრა
გიორგი აბაშიშვილი საერთაშორისო სავალუტო ფონდის პროგნოზზე: ⁠2025 წელს საქართველოს ეკონომიკა გაიზრდება 10-ჯერ მეტად, ვიდრე მოლდოვის ეკონომიკა, 3-ჯერ მეტად ვიდრე უკრაინის ეკონომიკა, 5-ჯერ მეტად, ვიდრე ევროკავშირის ეკონომიკა
I კვარტალში ბათუმის პორტს ტვირთბრუნვა 22%-ით გაეზარდა - "ყაზტრანსოილი"
ისტორიაში პირველად - სავალუტო ფონდის შეფასებით, საქართველო ერთ სულზე რეალური და მსყიდველუნარიანი ეკონომიკის ზრდით 21-ე საუკუნის საუკეთესო სამეულშია
არქივი