საწყის შეხვედრაში გენო პეტრიაშვილმა ეგვიპტელი დიაელდინ კამალ გოუდა აბდელმოტალები 11:0 დაამარცხა, ხოლო მეოთხედფინალში ჩინელ ჟივეი დენგს ანგარიშით 5:2 სძლია.

ეს გენო პეტრიაშვილის მეორე ოლიმპიური მედალია - 2016 წელს, რიო დე ჟანეიროს ოლიმპიურ თამაშებზე ქართველმა მოჭიდავემ ბრინჯაოს მედალი მოიპოვა. ის სამგზის მსოფლიო და ორგზის ევროპის ჩემპიონია.

ამ დროისთვის საქართველოს ოლიმპიური ნაკრების ანგარიშზე  რვა მედალია -  ორი ოქროს, ხუთი ვერცხლისა და ერთი ბრინჯაოს და საერთო გუნდურ ჩათვლაში 24-ე ადგილს იკავებს.