მოსკოვში მიმდინარე ძალოსანთა კონტინენტის პირველობაზე 61 კილოგრამ წონით კატეგორიაში 26 წლის ქართველმა სპორტსმენმა შოთა მიშველიძე ორჭიდის ჯამში 290 კილოგრამი დააფიქსირა და ევროპის ვიცე-ჩემპიონის ტიტული მოიპოვა.

ამავე წონაში კიდევ ერთი ქართველი რამინ შამილიშვილი გამოდიოდა, თუმცა ის მედლის გარეშე დარჩა. 

დღეს, საქართველოს სახელით ევროპის ჩემპიონატზე 67 კილოგრამ წონით კატეგორიაში გოგა ჩხეიძე იასპარეზებს.