ბუტა რობაქიძის მკვლელობიდან 20 წელი გავიდა.

ოჯახის წევრები და ახლობლები დიდუბის ეკლესიასთან, ბუტა რობაქიძის მემორიალთან შეიკრიბნენ და 2004 წელს სააკაშვილის რეჟიმის მიერ ჩადენილი სასტიკი დანაშაული გაიხსენეს.

ბუტა რობაქიძის მშობლებმა იმ ახალგაზრდებსაც მიმართეს, რომლებიც დღეს რადიკალურ ოპოზიციის აქციებზე დგანან.

ბუტა რობაქიძის საქმე მთავარმა პროკურატურამ 2012 წელს გახსნილად გამოაცხადა. ხელახალი გამოძიების შედეგად დადგინდა, რომ 19 წლის ბუტა რობაქიძის სიცოცხლე სამართალდამცველის, გიორგი ბაშალეიშვილის მიერ შემთხვევით გასროლილმა ტყვიამ იმსხვერპლა. ბუტა რობაქიძე თბილისში, აკ. წერეთლის გამზირზე 2004 წლის 24 ნოემბერს მოკლეს.