წინასწარმეტყველ მუჰამედის შესახებ სოციალურ ქსელში გამოქვეყნებული შეურაცხმყოფელი პოსტის გამო ინდოეთის ქალაქ ბანგალორეში მომხდარ დაპირისპირებას სამი ადამიანი ემსხვერპლა.
ქალაქ ბანგალორეში ადგილობრივი პოლიტიკოსის ნათესავმა სოციალურ ქსელ, „ფეისბუქში“, მკრეხელური განცხადება გამოაქვეყნა, რის შემდეგაც ადგილობრივები პოლიტიკოსის სახლთან შეიკრიბნენ და განცხადების ავტორი წინასწარმატყველ მუჰამედის შეურაცხყოფაში დაადანაშაულეს. მოგვიანებით პოსტი წაშალეს, მისი ავტორი კი - დააკავეს. თუმცა, პოსტს ინციდენტები მოყვა.
აქციის მონაწილეები პოლიციის შენობასაც თავს დაესხნენ და ავტომობილებს ცეცხლი წაუკიდეს.
გავრცელებული ინფორმაციით, პოლიციამ დემონსტრანტების წინააღმდეგ ცრემლსადენი გაზი და ხელკეტები გამოიყენა, მოგვიანებით კი მათ ცეცხლი გაუხსნა. სამართალდამცველებმა 110 ადამიანი დააკავეს.
ბანგალორეს პოლიციის ინფორმაციით, ქალაქში ვითარება კონტროლს ექვემდებარება.
მედიის ინფორმაციით, მოქალაქეების პროტესტი ერთ-ერთი პოლიტიკოსის ნათესავის მიერ სოციალურ ქსელ „ფეისბუქში“ წინასწარმეტყველ მუჰამედის შესახებ გამოქვეყნებულმა შეურაცხმყოფელი შინაარსის პოსტმა გამოიწვია.
სარეკლამო ადგილი - 11 650 x 60 |