363
09 აგვისტო 2020, 21:11
TikTok-ი აშშ-ის პრეზიდენტის ადმინისტრაციას აკრძალვის გამო სასამართლოში უჩივლებს.
გავრცელებული ინფორმაციით, კომპანია სარჩელს კალიფორნიის შტატის სამხრეთ ოლქში შეიტანს.
სარჩელში ნათქვამია, რომ პრეზიდენტ დონალდ ტრამპის ქმედებები ქვეყნის კონსტიტუციას ეწინააღმდეგება, რადგან TikTok-ს პასუხის საშუალება არ მიეცა. კომპანიაში ასევე აცხადებენ, რომ თეთრი სახლის მეთაურის მიერ ხელმოწერილი განკარგულება TikTok-ის აკრძალვის შესახებ გაუმართლებელია.
„ის მხოლოდ სპეკულაციასა და ვარაუდებს ეყრდნობა. განკარგულებაში არ არის ფაქტობრივი დასკვნა, მხოლოდ მსჯელობაა იმის თაობაზე, რომ ჩინეთი არასწორად იქცევა“, - აცხადებენ კომპანიაში.
როგორც ცნობილია, დონალდ ტრამპმა ხელი მოაწერა განკარგულებას „TikTok-ის საფრთხესთან ბრძოლის შესახებ“, რომლითაც ამერიკულ კომპანიებს აპლიკაციის მფლობელთან - ByteDance-თან აშშ-ის იურისდიქციაში ნებისმიერი შეთანხმებების დასასრულებლად 45 დღე მისცა.
სარეკლამო ადგილი - 11 650 x 60 |