ბოლო მონაცემებით, ლიბანში აფეთქების შედეგად გარდაცვლილთა რიცხვი 80-მდე გაიზარდა, დაშავებულია 4 000-ზე მეტი ადამიანი. ინფორმაციას მედია ლიბანის ჯანდაცვის სამინისტროზე დაყრდნობით ავრცელებს.
„ბევრი ადამიანი ამ დრომდე დაკარგულად ითვლება. ასობით ადამიანი მოდის და სამაშველო ჯგუფებს მათი ახლობლების შესახებ ეკითხება, ღამით სამძებრო სამუშაოები გაძნელდა, რადგან არ არის ელექტროენერგია. ჩვენ რეალური კატასტროფის წინაშე ვართ და დრო გვჭირდება ზარალის შესაფასებლად“, – განაცხადა ლიბანის ჯანდაცვის მინისტრმა ჰამად ჰასანიმ.
ლიბანის ხელისუფლების განცხადებით, აფეთქდა დიდი როდენობით ამონიუმის ნიტრატმა გამოიწვია.
ლიბანის პრემიერ-მინისტრის განცხადებით, ბეირუთში აფეთქება 2 750 ტონა ამონიუმის ნიტრატმა გამოიწვია, რომელიც პორტში მდებარე საწყობში ექვსი წლის განმავლობაში უსაფრთხოების ნორმების დაცვის გარეშე ინახებოდა,.
ლიბანის დედაქალაქ ბეირუთის პორტთან აფეთქება 4 აგვისტოს მოხდა.
სარეკლამო ადგილი - 11 650 x 60 |