აშშ-ში დააკავეს ბოლო დროის ყველაზე მსხვილი ჰაკერული შეტევის ავტორი, რომელმაც ტვიტერზე კიბერშეტევა განახორციელა და "გატეხა" პოლიტიკოსთა, პოპმუსიკოსთა, ბიზნესმენთა, კინოვარსკლავთა პირადი გვერდები.
17 წლის გრეჰემ ივან კლარკმა კიბერშეტევა მიკრობლოგის 100-ზე მეტ გვერდზე მიიტანა და შეძლო, შეეღწია ისეთი ცნობილი სახეების პროფილებში, როგორებიც არიან - აშშ-ის ყოფილი პრეზიდენტი ბარაკ ობამა, აშშ-ის პრეზიდენტობის კანდიდატი ჯო ბაიდენი, მილიარდერები – ბილ გეითსი, ჯეფ ბეზოსი, ილონ მასკი, რეპერი კანიე უესტი და მისი მეუღლე კიმ კარდაშიანი.
პროკურორმა ენდრიუ უორენსმა თინეიჯერს 30-პუნქტიანი ბრალდება წაუყენა "მთელს ამერიკაში ხალხის მოტყუებისთვის". საქმეზე სამი ადამიანი დააკავეს, ორი შეერთებული შტატებიდან და ერთი დიდი ბრიტანეთიდან.
საოლქო პროკურატურის განცხადებით, ჰაკერებისთვის წაყენებული ბრალდებები მოიცავს ისეთ სერიოზულ ბრალდებას, როგორიცაა ორგანიზებული თაღლითობა და პირადი ინფორმაციის დანაშაულებრივი გამოყენება.
15 ივლის ს განხორციელებული შეტევისას მათ ილონ მასკის, ბილ გეიტსის, ჯეფ ბეზოსის, ჯო ბაიდენის, ბარაკ ობამას და კიმ კარდაშიანის ტვიტერის ანგარიშებიდან, თაყვანისმცემლებს მოუწოდეს ბიტკოინები შეეწირათ.
"ბიტკოინების გზავნილებით" 17 წლის ჰაკერმა შეძლო 100 000 აშშ დოლარზე მეტი ბიტკოინი მოაგროვა.
არასრულწლოვანს ფლორიდაში გაასამართლებენ, რადგან შტატის კანონმდებლობა საშუალებას იძლევა, რომ ფინანსური თაღლითობაში ბრალდებული არასრულწლოვანი სრულწლოვანის მსგავსად გასამართლდეს.
გამოძიებაში ჩართული იყო ფედერალური ბიურო, საერთაშორისო შემოსავლების სამსახური და საიდუმლო სამსახური.
| სარეკლამო ადგილი - 11 650 x 60 |
