სოციალურმა ქსელმა Twitter-მა დონალდ ტრამპის ვაჟს საკუთარ გვერდზე დროებით პოსტების გამოქვეყნების ფუნქცია დაუბლოკა.  დონალდ ტრამპ უმცროსს სანქცია მას შემდეგ დაეკისრა, რაც ვიდეო გააზიარა, სადაც პრეპარატ „ჰიდროქსიქლოროქინის“ სარგებლობის შესახებ არის საუბარი.

როგორც Twitter-ში განმარტავენ, უმცროსი ტრამპის ვიდეოს გაზიარებით Covid-19-ის შესახებ არასწორი ინფორმაციის გავრცელების საწინააღმდეგო რეგულაციები დაირღვა. აკრძალვის პერიოდში დონალდ ტრამპ უმცროსი კვლავ შეძლებს Twitter-ის მონახულებას და პირადი შეტყობინებების გაგზავნას, თუმცა მთელი რიგი ფუნქციების, მათ შორის პოსტების გამოქვეყნება მას 12 საათის განმავლობაში ექნება შეზღუდული. 

როგორც დონალდ ტრამპ უმცროსის პრესსამსახურში აცხადებენ, Twitter-ის გადაწყვეტილება „ყოველგვარ საზღვარს გასცდა“ და ეს კიდევ ერთი დასტურია იმისა, რომ მსხვილი ტექნოლოგიური კომპანიები მიზნად ისახავენ „ონლაინ სივრცეში გამოხატვის თავისუფლება მოკლან“, ისევე, როგორც „რესპუბლიკელების“ ხმის ჩახშობით, არჩევნებში ერევიან“.