"დოიჩე ველეს" ინფორმაციით, უკრაინის პროკურატურას უკრაინის რადას დეპუტატმა ანდრეი დერკაჩიმ  სკანდალური აუდიომასალები გადასცა.

 უკრაინელი დეპუტატის მიერ პროკურატურაში გადაგზავნილ აუდიოჩანაწერებში,  საუბრობს ორი ადამიანი, რომელთა ხმებიც უკრაინის ყოფილი პრეზიდენტის  პეტრო პოროშენკოსა და აშშ-ის ყოფილი ვიცე-პრეზიდენტის ჯო ბაიდენის ხმებთანაა ძალზე მიმსგავსებული.

ჩანაწერების მიხედვით, სავარაუდოდ, პოროშენკო და ბაიდენი განიხილავდნენ უკრაინის ყოფილი გენერალური პროკურორის ვიქტორ შოკინის გადაყენებას, რის სანაცვლოდაც, აშშ-ის ყოფილი ვიცე-პრეზიდენტი უკრაინას საერთაშორისო სავალუტო ფონდის მხრიდან მილიარდი დოლარის ოდენობით დახმარების გამოყოფას დაჰპირდა. 

"დოიჩე ველეს" ინფორმაციით, დერკაჩის მიმართვის საფუძველზე გამოძიება დაწყებულია სახელმწიფო ღალატისა და უფლებამოსილების ბოროტად გამოყენების მუხლით.