საფრანგეთში „ყვითელი ჟილეტების“ მოძრაობის ლიდერი ერიკ დრუე არასრულწლოვანზე ძალადობის გამო დააკავეს.

შემთხვევა ილ-დე-ფრანსის რეგიონში, დომონის დასახლებაში 18 მაისს მოხდა. ერიკ დრუე თავისი მეგობარი ქალისა და მისი 13 წლის შვილის კამათში ჩაერია, რის შემდეგაც, გამოცემის ცნობით, „გაწევ-გამოწევა დაიწყო“.

მომხდარის სხვა დეტალები ამ ეტაპზე უცნობია. ამ დროისთვის ერიკ დრუე დაპატიმრებულია.

„ყვითელი ჟილეტების“ მოძრაობის საპროტესტო აქციები საფრანგეთში 2018 წლის 17 ნოემბერს დაიწყო, როდესაც მოსახლეობამ საავტომობილო საწვავის ფასების ზრდა გააპროტესტა. პარიზის პოლიციამ „ყვითელი ჟილეტების“ მანიფესტაციების ჩატარება 2019 წლის 16 ნოემბერს აკრძალა.