ჰაკერებმა  კიბერშეტევა განახორციელეს ბრიტანული "ლოუკოსტერის" EasyJet-ის კიბერსისტემებზე და 9 მილიონამდე კლიენტის ელექტრონული ფოსტის მისამართი და ინფორმაცია ფრენების შესახებ მოიპოვეს.   

BBC-ის აინფორმაციით, 2208 შემთხვევაში საუბარი საბანკო ბარათების მონაცემებზეც არის. ჰაკერებს საპასპორტო მონაცემები არ მოუპარავთ. 

EasyJet-ში ვერ აღმოაჩინეს იმის მტკიცებულბა, რომ ჰაკერებმა მოპოვებული მონაცემები გამოიყენეს. კომპანია ყველა მომხმარებელს, ვისი მონაცემებიც გატეხეს, ამის შესახებ შეატყობინებს, რათა პოტენციური საფრთხე თავიდან აიცილონ.

EasyJet-ში არ დაუკონკრეტებიათ როდის მოხდა კიბრშეტევა.