666
12 მაისი 2020, 23:04
ესპანეთში 113 წლის ქალი „კოვიდ-19“-ისგან გამოჯანმრთელდა. ოფიციალური პირების მიერ გავრცელებული ცნობებით, მარია ბრანიასი ქალაქ ოლოტში ცხოვრობს.
როგორც იუწყებიან, 113 წელი ქალს მარტში შეუსრულდა.
„მას შემდეგ, რაც მარიას „კოვიდ-19“-ის დიაგნოზი დაუსვეს, მისი გადარჩენის იმედი ოჯახის წევრებს თითქმის აღარ ჰქონდათ“, – წერს BBC.
თუმცა, 113 წლის ქალს დაავადების მსუბუქი ფორმა ჰქონდა და რამდენიმეკვირიანი იზოლაციის შემდეგ, ის გამოკეთდა.
მარია ბრანიასი აშშ-ის ქალაქ სან ფრანცისკოში 1907 წელს დაიბადა. ის ორი მსოფლიო ომის მომსწრე იყო. ასევე გადაურჩა სამოქალაქო ომს და 1918 წლის ესპანური გრიპის პანდემიას.
სარეკლამო ადგილი - 11 650 x 60 |