აშშ-ის ამჟამინდელმა პრეზიდენტმა დონალდ ტრამპმა აშშ-ის ყოფილი პრეზიდენტის ბარაქ ობამასა და მისი გუნდის წევრებს აშშ-ის ისტორიაში ყველაზე კორუმპირებული ადმინისტრაცია უწოდა.
ამის შესახებ ტრამპმა ტვიტი დაწერა და თეთრი სახლის ერთ-ერთი გამოცემის სტატია გააზიარა, სადაც საუბარია იმაზე, თუ რატომ სთხოვა ობამამ გამოძიების ფედერალურ ბიუროს ტრამპზე წამოწყებული გამოძიების შესახებ ინფორმაცია დაემალა.
„ეს ყველაფერი მოხდა „ობამაგეითის“ გამო. ამ ბრალდებების უკან ობამა და „მძინარე ჯო“ იდგნენ. ეს აშშ-ის ისტორიაში ყველაზე კორუმპირებული ადმინისტრაცია იყო, „უოტერგეიტი“ „ობამაგეითთან“ შედარებით პატარა ჩანს“, - დაწერა ტრამპმა ტვიტერში.
დონალდ ტრამპის განცხადება აშშ-ის ყოფილი ლიდერის ადმინისტრაციასთან ქვეყნის მოქმედი პრეზიდენტის უთანხმოებას უკავშირდება. დონალდ ტრამპი ფიქრობს, რომ სწორედ ყოფილი პრეზიდენტი ბარაკ ობამა და ყოფილი ვიცე-პრეზიდენტი ჯო ბაიდენი იდგნენ მის მიმართ წაყენებული ბრალდებების უკან.
სარეკლამო ადგილი - 11 650 x 60 |