ოკუპანტების მიერ გატაცებულ ხვიჩა მღებრიშვილს დე ფაქტო ცხინვალის სასამართლომ ორთვიანი პატიმრობა შეუფარდა
მის მიმართ ეს ზომა დე ფაქტო ცხინვალის სასამართლომ შეარჩია. ამის შესახებ ინფორმაცია უკანონოდ დაკავებული 45 წლის კაცის ოჯახმა წითელი ჯვრისგან მიიღო.
ორგანიზაციის წარმომადგენლებისგანვე შეიტყვეს, რომ მღებრიშვილის მდგომარეობა ნორმალურია.
ოკუპანტების მიერ გატაცებულის ოჯახმა მასთან კიდევ ერთი წერილი წითელ ჯვარს გაატანა, რომელსაც საერთაშორისო ორგანიზაციის წარმომადგენლები სავარაუდოდ უახლოეს დღეებში მიაწვდიან.
სოფელ მეჯვრისხევიდან ხვიჩა მღებრიშვილი 3 ივლისს გაიტაცეს. ოკუპირებული ცხინვალის ე.წ. უსაფრთხოების სამსახურის ინფორმაციით, ის „მათ ტერიტორიაზე“ ღამურების შესაგროვებლად გადავიდა. ე.წ. სახელმწიფო უშიშროების კომიტეტის ცნობით, მიმდინარე თვის დასაწყისში დაკავებული ხვიჩა მღებრიშვილი ერთი ღამურის სანაცვლოდ 5 000 დოლარის აღებას ცდილობდა.
სარეკლამო ადგილი - 11 650 x 60 |