382
10 ივლისი 2020, 21:39
ოკუპირებული აფხაზეთი მოქალაქეების დასაბრუნებლად, ე.წ. საზღვარს ხსნის, რომელიც კორონავირუსის პანდემიის გამო თავად დახურა.
„აფხაზეთი უზრუნველყოფს ჰუმანიტარულ დერეფანს საქართველოში დროებით მყოფი მოქალაქეებისა და რესპუბლიკის მცხოვრებლების უკან დასაბრუნებლად 13-დან 15 ივლისამდე და 16-დან 17 ივლისამდე პერიოდში“, - ნათქვამია ე.წ. სახელმწიფო უშიშროების პრესსამსახურის ინფორმაციაში.
დე ფაქტო უწყების ცნობით, ოკუპირებულ ტერიტორიაზე დაბრუნებული ყველა პირი სამედიცინო-სანიტარულ კონტროლს გაივლის.
მანამდე, ე.წ. საზღვარი ბოლოს, ივნისის ბოლოს გაიხსნა, რა დროსაც, ოკუპირებულ აფხაზეთში, დე ფაქტო სამსახურის ინფორმაციით, 800-მდე ადამიანი დაბრუნდა.
სარეკლამო ადგილი - 11 650 x 60 |