317
07 ივნისი 2020, 17:17
სახელმწიფო უსაფრთხოების სამსახური სამეგრელო-აფხაზეთის ადმინისტრაციულ საზღვართან, სოფელ მუჟავაში, საოკუპაციო ძალების წარმომადგენლების მიერ სამი ადამიანის უკანონო დაკავების ფაქტს ადასტურებს.
როგორც სახელმწიფო უსაფრთხოების სამსახურში განმარტავენ, მათ უკანონო დაკავებასთან დაკავშირებით გააქტიურებულია ცხელი ხაზი და ინფორმირებულია ევროკავშირის სადამკვირვებლო მისია.
დაკავების ფაქტს ადასტურებს საქართველოში ევროკავშირის სადამკვირვებლო მისიაც.
„მისია ადასტურებს, რომ აღნიშნულ ინციდენტთან დაკავშირებით მოხდა მის მიერ ოპერირებადი ცხელი ხაზის გააქტიურება და ინფორმაციის გაცვლა არსებული პრაქტიკის შესაბამისად“,- აცხადებენ ევროკავშირის წარმომადგენლობაში.
სარეკლამო ადგილი - 11 650 x 60 |