ოკუპირებული აფხაზეთის დე ფაქტო რეჟიმის გადაწყვეტილებით, 1 ივნისიდან მდინარე ენგურზე ე.წ. საზღვარი კვლავ ჩაიკეტა. 

დე ფაქტო უსაფრთხოების სამსახურის ინფორმაციით,  ე.წ. საზღვარი 26 მაისს გაიხსნა იმისთვის, რომ  მოსახლეობას ოკუპირებულ ტერიტორიაზე დაბრუნება შეძლებოდა, რომლებიც იქ კარანტინის გამო ვერ გადადიოდნენ. მათივე ცნობით, ოკუპირებულ აფხაზეთში  532 ადამიანი დაბრუნდა, მათ შორის, ადამიანები, რომლებიც სამკურნალოდ იმყოფებოდნენ. 

ცნობისთვის, მდინარე ენგურზე ე.წ. საზღვარი აფხაზურმა მხარემ 14 მარტს იმ დროინდელი ე.წ. პრეზიდენტის მოვალეობის შემსრულებლის ვალერი ბგანბას ბრძანებით დაკეტა, კორონავირუსის პრევენციის მიზნით.