ბოლნისის მუნიციპალიტეტში კორონავირუსის 15 ახალი შემთხვევა დადასტურდა.  

ინფიცირებულების პირველწყარო დადგენილია და კონტაქტებიც მოძიებულია.

„გუშინ 131 ნიმუში იყო აღებული, ამ დროისთვის 81 ადამიანის პასუხი არის ცნობილი, დანარჩენის მოგვიანებით გვექნება. 15 შემთხვევა დადასტურდა. 8 ბოლნისის მუნიციპალიტეტის სოფელ გეტაში და 7 სოფელ მუშევანში. მათი პირველწყარო და კონტაქტები დადგენილია. ინფიცირებულები სოფელ გეტადან გაყვანილები არიან“, - განაცხადა ბოლნისის მერმა დავით შერაზადიშვილმა.

ბოლნისის მუნიციპალიტეტში ამდროისთვის 137 შემთხვევაა დადასტურებული, 40-ზე მეტი გამოჯანმრთელდა, 3 გარდაიცვალა.